ကျွန်တော်တို့နေထိုင်တဲ့လူမှုအဖွဲ့အစည်းကြီးဟာ အားလုံးသိတဲ့အတိုင်းပါပဲ၊ အရမ်းကိုစိတ်ရှုပ်ထွေးစရာတွေနဲ့ နေ့စဉ်နဲ့အမျှပြည့်နှက်နေလို့ နေပါတယ်။

ဒါအပြင် ကိုယ့်ရဲ့တစ်ရက်အတွင်းမှာ လုပ်ငန်းနဲ့ပတ်သက်တဲ့စိတ်ရှုပ်စရာတွေ၊ Personal Life နဲ့ပတ်သက်တဲ့စိတ်ရှုပ်စရာတွေဆိုတာ အမြဲလိုလို ရှိနေတတ်ပါတယ်။ ဒီလိုအကြောင်းကြောင့်လည်း ကမ္ဘာကျော်ပုဂ္ဂိုလ်တွေဖြစ်တဲ့ Oprah Winfrey, Jeff Weiner, Tony Robbins တို့လိုပုဂ္ဂိုလ်တွေက သူတို့ရဲ့ Daily Schedules မှာ Meditation လုပ်ဖို့အတွက် သီးသန့်အချိန်ပေးလေ့ ရှိပါတယ်။

ဒါကြောင့် ကိုယ့်ရဲ့နေ့စဉ်ဘဝမှာ Meditation လုပ်ဖို့အတွက် တစ်နေ့ကိုအနည်းဆုံး (၁၀)မိနစ် ကနေ (၁၅)မိနစ်လောက်ပဲ အချိန်ပေးနိုင်ရင်တောင်မှ အဲဒီတစ်ရက်တာအတွက် အရမ်းကိုပြီးပြည့်စုံတဲ့တစ်နေ့တာလို့ ပြောလို့ရပါတယ်။

ဒီတော့ Meditation လုပ်ဖို့အကောင်းဆုံးအချိန်ကဘယ်အချိန်ဖြစ်မလဲ ဆိုတဲ့မေးခွန်းမျိုး မေးစရာရှိလာပါတယ်။ ဒါကြောင့်မို့လို့ Mindmaxer တို့အားလုံးအတွက် ဘယ်အချိန်တွေက Meditation လုပ်ဖို့ ဘယ်လိုကောင်းမွန်လဲဆိုတာကို မျှဝေပေးသွားမှာ ဖြစ်ပါတယ်။

(၁) မနက်ခင်းအစ

လေ့လာချက်များအရ ကိုယ့်ရဲ့တစ်နေ့တာ နိုးထလာတဲ့မနက်ခင်းအစမှာ Meditation လုပ်ခြင်းက အရမ်းကိုကောင်းမွန်စေတယ်လို့ ဆိုပါတယ်။ ကျွန်တော်ဆိုရင်လည်း မနက်ခင်းနိုးလာတာနဲ့ချက်ချင်း (၁၀)မိနစ်လောက်အချိန်ပေးပြီး Meditation လုပ်လေ့ရှိပါတယ်။ ဘာလို့လဲဆိုရင် ကိုယ့်ရဲ့မနက်ခင်းအစကို Meditation နဲ့အစပြုလိုက်ခြင်းက တစ်နေ့တာလုပ်ငန်းတာဝန်တွေကိုလုပ်ဆောင်ဖို့အတွက် အတွေးတွေကိုရှင်းစေပြီး၊ Positive Energy ကို တိုးပွားစေတဲ့အတွက်ကြောင့်ပဲ ဖြစ်ပါတယ်။

(၂) နေ့ခင်းမွန်းတည့်ချိန်

နေ့ခင်းမွန်းတည့်ချိန်မှာ Meditation လုပ်ခြင်းကလည်း အရမ်းကို Powerful ဖြစ်စေပါတယ်။ ဒါကြောင့် Powerful Time လို့လည်း ပြောလို့ရပါတယ်။ ကျွန်တော်တို့လိုသာမန်လူသားတွေအတွက် Meditation လုပ်တယ်ဆိုတာ စိတ်တည်ငြိမ်စေဖို့၊ ငြိမ်းချမ်းစေဖို့အတွက်ပဲသာ မကပါဘူး။ တခြားသောအကြောင်းတွေဖြစ်တဲ့ ကိုယ့်ရဲ့တစ်နေ့တာလုပ်ငန်းတာဝန်တွေမှာ Performance & Productivity ကောင်းကောင်းနဲ့ဆောင်ရွက်နိုင်စေတဲ့အချက်ကြောင့်လည်း ဖြစ်ပါတယ်။

(၃) ညနေခင်းအချိန်

သဘာဝတရားကြီးရဲ့ နိယာမအတိုင်း ညနေခင်းအချိန်မှာတော့ အရှေ့ဘက်မှာရှိတဲ့ နေမင်းကြီးကလည်း အနောက်ဘက်သို့ဝင်သွားပါပြီ။ ဒီလိုပြောင်းလဲမှုနဲ့အတူ ကျွန်တော်တို့ရဲ့ တစ်နေ့တာလုပ်ငန်းတာဝန်လုပ်ဆောင်မှုတွေလည်း ပြီးဆုံးလို့သွားပါပြီ။ ဒါပေမယ့် ပင်ပန်းနွမ်းနယ်မှု၊ စိုးရိမ်မှု၊ စိတ်ပူပန်မှုတွေကတော့ ကွယ်ပျောက်မသွားဘဲ ကျွန်တော်တို့ရဲ့စိတ်သန္တန်ထဲမှာ ကိန်းအောင်းနေဆဲ ဖြစ်ပါတယ်။

ဒီလိုစိတ်ခံစားမှုတွေကို Delete လုပ်ဖို့အတွက် လုပ်ငန်းတာဝန်တွေပြီးဆုံးသွားတဲ့ ကိုယ့်ရဲ့ ညနေခင်းအချိန်မှာ Meditation လုပ်ကြည့်ဖို့ အကြံပေးပါရစေ။ ဒီလိုလုပ်ဆောင်ခြင်းက စိတ်တည်ငြိမ်မှုနဲ့ ငြိမ်းချမ်းမှုကို ရရှိစေတဲ့အတွက်ကြောင့်ပဲ ဖြစ်ပါတယ်။

(၄) အိပ်ရာဝင်ခါနီးအချိန်

ကျွန်တော်ဆိုရင် ညဘက်အိပ်ရာမဝင်ခင် အချိန်(၁၅)မိနစ်လောက်ကို Meditation လုပ်ဖို့အတွက် အချိန်ပေးလေ့ရှိပါတယ်။ ဘာလို့လဲဆိုရင် ကျွန်တော်အပါအဝင်လူအများစုက အိပ်ခါနီးအချိန်ဆိုရင် ဖြစ်မလာသေးတဲ့အရာတွေအတွက် ကြိုတွေးပြီးစိတ်ပူပန်တာမျိုး၊ ကိုယ့်ရဲ့လုပ်ငန်းတွေနဲ့ပတ်သက်ပြီး အဆင်ပြေနိုင်ပါ့မလားဆိုပြီးစိုးရိမ်ပူပန်မှုတွေ စသဖြင့်အတွေးပေါင်းခြောက်သောင်းနဲ့အတူ အိပ်ရာဝင်လေ့ရှိပါတယ်။

အဲဒီလိုအကျင့်တွေက အချိန်ကြာလာတာနဲ့အမျှ ကျွန်တော်တို့ရဲ့အိပ်စက်မှုကို အနှောင့်အယှက်ပေးသလို၊ Negative Thoughts & Emotions တွေနဲ့အိပ်ရာဝင်ရတဲ့အတွက်ကြောင့်လည်း ကျွန်တော်တို့ရဲ့ ဦးနှောက်စွမ်းရည်နဲ့ Functions တွေကို ထိခိုက်စေပါတယ်။

ဒါကြောင့် ညဘက်အိပ်ရာမဝင်ခင်အချိန်ကို Meditation လုပ်ခြင်းက တစ်နေ့တာလုံးပင်ပန်းခဲ့သမျှ စိတ်နဲ့ခန္ဓာကို အနားပေးရာရောက်ပြီး၊ ဦးနှောက်ရဲ့ စွမ်းဆောင်ရည်တွေကိုလည်း ပိုပြီးတိုးတက်စေပါတယ်။

Meditation လုပ်ဖို့အကောင်းဆုံးအချိန်က ဘယ်အချိန်လဲလို့မေးရင် ကျွန်တော့်အနေနဲ့ “အချိန်တိုင်း” ကောင်းတယ်လို့ ဖြေပါရစေ။ ဘာလို့လဲဆိုရင် ဘယ်အချိန်ပဲ Meditation လုပ်လုပ် ကျွန်တော်တို့ရဲ့စိတ်အေးချမ်းမှုနဲ့ Mind Power ကို ကောင်းမွန်စေတဲ့အတွက်ကြောင့်ပဲ ဖြစ်ပါတယ်။

ဒါပေမယ့်လည်း ကျွန်တော်တို့မှာလုပ်ဆောင်ရမယ့်စီးပွားရေးလုပ်ငန်းတွေ၊ အလုပ်တာဝန်တွေရှိသေးတဲ့အတွက်ကြောင့် အချိန်တိုင်း Meditation လုပ်ဖို့ဆိုတာ မလွယ်ကူပါဘူး။ ဒါကြောင့် ကျွန်တော့်အနေနဲ့ အကြံပေးလိုတာက “ကိုယ့်ရဲ့မနက်ခင်းနိုးထလာတဲ့အချိန်နဲ့ ညဘက်အိပ်ရာမဝင်ခင်အချိန်မှာ Meditation လုပ်ဖို့” ပြောပါရစေ။

Mindmax
မသိစိတ်ထဲက
အမှိုက်တွေကို ရှင်းထုတ်လိုက်ပါ
Max Your Mind
mindmax.app