ကျွန်တော်တို့ အများစုဟာ ကျန်းမာသန်စွမ်းတဲ့ ခန္ဓာကိုယ် ရဖို့အတွက် လေ့ကျင့်ခန်းလုပ်ရမှာကို အခက်အခဲမျိုးစုံ တွေ့နေကြပါတယ်။ Gym ကစားဖို့၊ ပြေးဖို့ စတာတွေကို ဆင်ခြေမျိုးစုံနဲ့ မလုပ်ဖြစ်ကြပါဘူး။ ဒါပေမဲ့ ကျွန်တော်တို့ ဘဝကို ၁၀၀ ရာခိုင်နှုန်းပြည့် ဆင်ခြေမပေးဘဲနဲ့ ကြိုးစားကြည့် ရင် ဘယ်လိုတွေတောင် ပြောင်းလဲသွားနိုင်သလဲ? ဒီ စာအုပ်မှာ အဲဒီအဖြေတွေကို စာရေးသူ David Goggins က ပြောပြပေးသွားမှာဘဲဖြစ်ပါတယ်။ ဘာလို့လည်းဆိုတော့ ဒီဘဝကို သူကိုယ်တိုင် နေထိုင်နေတာမို့လို့ပါ။ 

ဆက်ဖတ်သွားမယ်ဆိုရင် David Goggins ရဲ့ အံ့အားတင့်ဖွယ်ကောင်းတဲ့ ဘဝကို ပါးစပ်အဟောင်းသားနဲ့ လေ့လာလို့ရမှာပါ။ ခက်ထန်ကြမ်းတမ်းလှတဲ့ ကလေးဘဝ၊ မျှော်လင့်ချက်မဲ့ခဲ့တဲ့ လူငယ်ဘဝကနေ ကမ္ဘာပေါ်မှာ အသန်မာဆုံး Navy Seal တစ်ယောက် ဘယ်လိုဖြစ်ခဲ့သလဲဆိုတာ သိချင်ရင်တော့ ဆက်ဖတ်သွားပေးပါ။ စာဖတ်သူတွေ အနေနဲ့လည်း ဒီ autobiography စာအုပ်လေးကနေ သင်ခန်းစာတွေ အများကြီရရှိနိုင်ပါစေ။ 

ဒီစာအုပ်ကိုဖတ်ပြီး

- Goggin’s ရဲ့ ကလေးဘဝက သူ့ကို ဘယ်လိုတွေ ပြောင်းလဲစေခဲ့လဲ

- သူ Military ကနေ ထွက်ဖို့ကြုံလာတဲ့ အချိန်

- Badwater 135 ဆိုတာ ဘာလဲ

ဆိုတဲ့ အကြောင်းအရာတွေကို စိတ်ဝင်စားဖွယ် လေ့လာလို့ရမှာဘဲဖြစ်ပါတယ်။