ခေါင်းစဉ်ကိုကြည့်ပြီး ဒီစာအုပ်က Content Marketing ကို ဆန့်ကျင် ရေးသားထားတဲ့ စာအုပ် တစ်အုပ်လားလို့ ထင်စရာ ရှိပါတယ်။ မဟုတ်ပါဘူး။

ဒီစာအုပ်က ကျွန်တော်တို့တွေ Content Marketing လုပ်ဆောင်တဲ့ နေရာမှာ ကြုံတွေ့ရတဲ့ မပြတ်သားမှုတွေ၊ တွေဝေနေမှုတွေကို ရှင်းရှင်းလင်းလင်း ဖြစ်သွားစေမယ့်၊ ကျွန်တော်တို့ရဲ့ စိတ်အာရုံတွေကို Content Marketing အပေါ်မှာ သေသေချာချာ ပြန်အာရုံစူးစိုက် သွားမိစေမယ့် စာအုပ်တစ်အုပ် ဖြစ်ပါတယ်။

အချုပ်ပြောရမယ်ဆိုရင် စာရေးသူ Randy Frisch က content တစ်ခုကို ဘယ်လို အလေးအနက်ထား စတင်ဖန်တီးရမယ် ဆိုတာကနေ စလို့ ဒီ content တွေကို လူတွေ သတိထားမိလာအောင် ဘယ်လိုမျိုး လုပ်ဆောင်မယ်၊ ဒီ content တွေကို အသုံးချပြီး အဓိပ္ပာယ်ရှိတဲ့ customer experience တွေကို ဘယ်လို ဖန်တီးမယ် ဆိုတဲ့ အကြောင်းတွေကို ဒီစာအုပ်ထဲမှာ ပြောပြပေးထားပါတယ်။