ဒီစာအုပ်က ဘာအကြောင်းပြောထားတာလဲ?
မြှောက်ထိုးပင့်ကော် လုပ်တတ်တဲ့သူတွေ၊ သူများတွေရဲ့ အိုင်ဒီယာတွေကို ကိုယ့်အိုင်ဒီယာလိုလို လူရှေ့သူရှေ့ထုတ်ပြောပြီး ချီးကျူးခံချင်တဲ့သူတွေ၊ အစည်းအဝေးမှာ တစ်ခြားသူကို မပြောခိုင်းပဲ သူပြောချင်တာကိုပဲ ပြောနေတတ်တဲ့သူတွေ၊ အနိုင်ကျင့်တတ်တဲ့သူတွေ၊ အတင်းတုတ်တတ်တဲ့သူတွေ – ဒါတွေကိုကြည့်မယ်ဆိုရင် လုပ်ငန်းခွင်မှာ ကိုင်တွယ်ရခက်တဲ့သူတွေ တော်တော်များတာကို တွေ့ရမှာပါ။ တစ်ခါတစ်လေ ဒီလိုကိုင်တွယ်ရခက်တဲ့သူတွေက ကိုယ့်ရဲ့လုပ်ဖော်ကိုင်ဖက် ဖြစ်နေနိုင်သလို၊ ကိုယ့်ရဲ့အထက်လူကြီးလည်း ဖြစ်နေနိုင်ပါတယ်။ ဒါမှမဟုတ် ကိုယ်ကိုယ်တိုင်လည်း ဖြစ်နေနိုင်ပါသေးတယ်။ ဒီလိုမျိုး ကိုင်တွယ်ရခက်တဲ့သူတွေနဲ့ တစ်ခါတစ်လေ ပြောဆိုဆက်ဆံရတာက ကျွန်တော်တို့ဘဝမှာ အငြင်းပွားစရာ ကိစ္စတွေကို ဖန်တီးလိုက်နိုင်ပါတယ်။Powerful Phrases for Dealing with Difficult People စာအုပ်ထဲမှာတော့ Renee Evenson က ခက်ခဲတဲ့ အခြေအနေတွေမှာ လက်တွေ့စမ်းသပ် အသုံးချခဲ့ပြီး အလုပ်ဖြစ်ခဲ့တဲ့ Five-step Process နဲ့ အစွမ်းထက်တဲ့ စကားတစ်ချို့ကို ဖော်ပြထားပေးပါတယ်။ ဒါကြောင့်လည်း ဒီစာအုပ်ကိုဖတ်ပြီး ကိုယ့်လုပ်ဖော်ကိုင်ဖက်တွေနဲ့ Relationship ထိခိုက်စရာမလိုသလို ကိုယ့်ရဲ့ Communication Skill ကို ပိုတိုးတက်လာစေနိုင်ပြီး အငြင်းပွားစရာ ကိစ္စတွေကို ကျွမ်းကျွမ်းကျင်ကျင် ဖြေရှင်းလာနိုင်မှာ ဖြစ်ပါတယ်။
