ဒီစာအုပ်က ဘာအကြောင်းပြောထားတာလဲ?

Thinking ဆိုတဲ့ ဘာသာရပ်က Yale University မှာ ရေပန်းအစားဆုံး သင်ခန်းစာတွေထဲကတစ်ခုဖြစ်ပြီး ဒီသင်ခန်းစာထဲမှာ စဉ်းစားတွေးတောတဲ့အချိန် ကျွန်တော်တို့အများဆုံး ကြုံတွေ့ရလေ့ရှိတဲ့ အမှားတွေနဲ့ ဒီအမှားတွေကို ကျော်လွှားပြီး ပိုကောင်းတဲ့ ဆုံးဖြတ်ချက်တွေ ချမှတ်လို့ရမလဲ၊ ကိုယ့်ဘဝကို ပိုကောင်းအောင် ဘယ်လိုလုပ်ဆောင်နိုင်မလဲ၊ လူ့အဖွဲ့အစည်းတစ်ခုလုံးကို ဘယ်လိုတိုးတက်အောင် လုပ်ဆောင်နိုင်မလဲဆိုတာတွေကို ဖော်ပြပေးထားပါတယ်။ဒီဗဟုတုသတွေကို ရရှိဖို့ဆိုရင် ကျွန်တော်တို့ Yale University ကို သွားတက်နေစရာမလိုပဲ ဒီသင်ရိုးညွှန်းတမ်းကို ဖန်တီးပြီး သင်ကြားပို့ချပေးနေတဲ့ Professor Woo-kyoung Ahn က Thinking 101 စာအုပ်ထဲမှာ လူတိုင်းလေ့လာနိုင်အောင် ဖော်ပြပေးထားပါတယ်။ဒီစာအုပ်ထဲမှာ ဖြစ်လေ့ဖြစ်ထရှိတဲ့ အတွေးအခေါ် ဘက်လိုက်မှု အမျိုးအစားတွေနဲ့ ဒီအရာတွေက ကျွန်တော်တို့ ပြုလုပ်လိုက်တဲ့ ဆုံးဖြတ်ချက်တွေအပေါ် ဘယ်လိုသက်ရောက်နိုင်သလဲ ဆိုတာတွေကို ဖော်ပြပေးထားပါတယ်။ဒီလိုဘက်လိုက်တဲ့ စဉ်းစားတွေးခေါ်ပုံတွေကလည်း ကျွန်တော်တို့ ကြုံတွေ့နေရတဲ့ ညံ့ဖျင်းတဲ့ ငွေကြေးဆိုင်ရာ ဆုံးဖြတ်မှုတွေကစလို့ လူ့အဖွဲ့အစည်းကြီးရဲ့ အကျိုးယုတ်လျှော့မှုအထိ – စတဲ့ပြသနာတွေရဲ့ အရင်းခံဖြစ်နေတယ်ဆိုတာ အထောက်အထားတွေနဲ့လည်း ရှင်းပြထားပေးပါတယ်။