ကြားထဲမှာ ဘာအကာအရံမှ မရှိတဲ့ open-plan ရုံးခန်းတွေ၊ အင်တာနက်ပေါ်ကနေ လုပ်ဆောင်လို့ ရတဲ့ telecommuting အလုပ်တွေ၊ ကော်ဖီဆိုင်တွေမှာ ထိုင်ပြီး အလွတ်တန်း freelance အလုပ်တွေ စတဲ့ ခေတ်သစ် လုပ်ငန်းခွင်တွေက စိတ်အနှောင့်အယှက် ဖြစ်စရာတွေရဲ့ ထောင်ချောက်တစ်ခုလို ဖြစ်နေပါတယ်။ 

ဒီလို လုပ်ငန်းခွင်တွေမှာ ကိုယ့်ရဲ့ ဦးနှောက်ကို အနားပေးဖို့၊ တည်ငြိမ်အောင် လုပ်ဆောင်နိုင်ဖို့အတွက် နည်းဗျုဟာတွေ လိုအပ်ပါတယ်။ 

Two Awesome Hours (2015) စာအုပ်က ဒီလို အနှောင့်အယှက်တွေကြားထဲမှာ ကိုယ့်ရဲ့ စိတ်စွမ်းအားတွေကို စီမံခန့်ခွဲပြီး ထိရောက်မှုရှိတဲ့ နည်းလမ်းတွေနဲ့ အလုပ်လုပ်ဆောင်နိုင်အောင် ကူညီပေးနိုင်ပါလိမ့်မယ်။ အပြောင်းအလဲတွေကို ပြုလုပ်ဖို့အတွက် ကိုယ်က ၁၂၀ မိနစ်ပဲ လိုပါတယ်။ 

အလုပ်စိတ်ဖိစီးမှုတွေ များနေသူတွေနဲ့ သူတို့ရဲ့ အချိန်တွေကို အလုပ်တွေ ပိုများများ ပြီးမြောက်ဖို့ အတွက် အသုံးချချင်တဲ့ ဝန်ထမ်းတွေ၊ အလွတ်တန်း အလုပ်လုပ်နေသူတွေ မဖြစ်မနေ ဖတ်ရှုသင့်တဲ့ စာအုပ်တစ်အုပ်လည်း ဖြစ်ပါတယ်။