ဒီစာအုပ်ထဲမှာ ဖော်ပြပေးခဲ့တဲ့ CEO တွေ ကျရှုံးခဲ့ကြတဲ့ အကြောင်းရင်း အချက် (၁၁) ချက်ကို သိထားပြီဆိုရင် သင်က သင်လုပ်ဆောင်သမျှ အရာတိုင်းကို ဟန်ချက်ညီစွာ လုပ်ဆောင်နိုင်ဖို့ လိုပါတယ်။

သင့်ကုမ္ပဏီရဲ့ အကြီးအကဲတစ်ယောက်အနေနဲ့ သင်က သင့်ရဲ့ စီးပွားရေးလုပ်ငန်းတွေ အတွက်ရော၊ သင့်ရဲ့ ဝန်ထမ်းတွေအတွက်ပါ ကြီးမားတဲ့ တာဝန်၀တ္တရားတွေ ရှိပါတယ်။ ဒီအတွက်ကြောင့် အကုန်လုံးအတွက် ကောင်းကျိုးတွေ ရရှိအောင် လုပ်ဆောင်ပေးချင်တယ်ဆိုရင် သင်လုပ်ဆောင်လိုက်တဲ့ အရာတိုင်းက ဟန်ချက်ညီနေဖို့ လိုပါတယ်။

ဒီစာအုပ်ထဲမှာ ပါဝင်တဲ့ CEO တွေ ကျရှုံးရတဲ့ အကြောင်းရင်း၊ အချက် (၁၁) ချက်ကို အကျဉ်းချုပ် ဖော်ပြရမယ်ဆိုရင်တော့ အောက်ပါအတိုင်း ဖြစ်ပါတယ်။

1. စိတ်ကြီးဝင်မှု – သင်သာ မှန်တယ်၊ တခြားသူတွေ အကုန်လုံးမှားယွင်းတယ်။ (Arrogance: you’re right and everybody else is wrong)

2. အလွန်အကျွံလုပ်ဆောင်မှု – သင်က အာရုံစူးစိုက်မှုတွေရဲ့ အချက်အချာ ဖြစ်အောင် အမြဲလုပ်ဆောင်တယ်။ (Melodrama: you always grab the center of attention)

3. လျှင်မြန်စွာ ပြောင်းလဲမှု – သင့်ရဲ့ စိတ်ခံစားချက်တွေက ချက်ချင်းလက်ငင်း ပြောင်းလဲသွားတယ်၊ ကြိုတင်ခန့်မှန်းလို့ မရနိုင်လောက်အောင် ဖြစ်တယ်။ (Volatility: your mood shifts are sudden and unpredictable)

4. လိုအပ်တာထက် ကျော်လွန်ပြီး သတိထားမှု – နောက်တစ်ကြိမ် သင်ပြုလုပ်တဲ့ ဆုံးဖြတ်ချက်က သင့်အတွက် အရင်ဆုံး ပြုလုပ်တဲ့ ဆုံးဖြတ်ချက် ဖြစ်တယ်။ (Excessive caution: the next decision you make may be your first)

5. အလေ့အကျင့်ပိုင်းအရ အယုံအကြည်မရှိမှု – သင်က အပြုသဘောမဆောင်တဲ့၊ အဆိုးမြင်တဲ့ အရာတွေ အပေါ်မှာပဲ အာရုံစိုက်ထားတယ်။ (Habitual distrust: you focus on the negatives)

6. ရင်းနှီးဖော်ရွေမှု မရှိဘဲ သီးခြားဆန်မှု – သင်က တခြားသူတွေနဲ့ ထိတွေ့ဆက်ဆံတာမျိုးတွေ မပြုလုပ်ဘူး။ (Aloofness: you disengage and disconnect)

7. ဆိုးဆိုးဝါးဝါး လိုသလိုကစားမှု – စည်းမျဉ်းတွေက လုပ်ဆောင်ဖို့အတွက် အကြံပြုချက်တွေလို့ပဲ သင်က သိထားတယ်။ (Mischievousness: you know that rules are only suggestions)

8. သာမန်နဲ့ မတူဘဲ တမူထူးခြားနေမှု – တခြားသူတွေနဲ့ ကွဲပြားချင်တဲ့အတွက်ကြောင့် တမင်သက်သက် ခပ်ကြောင်ကြောင် အလုပ်တွေကို လုပ်ဆောင်တယ်။ (Eccentricity: it’s fun to be different just for the sake of it)

9. မလှုပ်မယှက်နေမှု – သင့်ရဲ့ တိတ်ဆိတ်နေမှုက တခြားသူတွေကို သဘောတူညီမှုအဖြစ် အထင်မှားသွားစေတယ်။ (Passive resistance: your silence is misinterpreted as agreement)

10. ပြီးပြည့်စုံအောင် လုပ်ဆောင်နေမှု – ကြီးမားတဲ့အရာတွေက မှားယွင်းသွားပြီး သင်က အရာနည်းနည်းလေးကိုပဲ မှန်ကန်စွာ ရလိုက်တယ်။ (Perfectionism: you get the little things right while the big things go wrong)

11. စိတ်ကျေနပ်အောင် ပြုလုပ်လိုမှု – သင်က ဘယ်လို လူသိများတဲ့ ပြိုင်ပွဲမျိုးမှာ မဆို အနိုင်ရရှိချင်တယ်။ (Eagerness to please: you want to win any popularity contest)

ဒီစာအုပ်နဲ့ ဆက်စပ်ပြီး နောက်ထပ် ဖတ်ရှုသင့်တဲ့ စာအုပ်တစ်အုပ်ကတော့ David L. Dotlich နဲ့ Peter C. Cairo တို့ရဲ့ Action Coaching: How to Leverage Individual Performance for Company Success စာအုပ် ဖြစ်ပါတယ်။

သင့်ရဲ့ ဒီနေ့ခေတ်ရဲ့ ကုမ္ပဏီအများစုတွေထဲက မန်နေဂျာတစ်ယောက်သာ ဖြစ်ခဲ့မယ်ဆိုရင် သင့်အဖွဲ့အစည်းရဲ့ စွမ်းဆောင်ရည်တွေ ပိုမိုတိုးတတ်လာစေဖို့အတွက် လမ်းပြညွှန်ကြားပေးရမယ့် တာဝန်ရှိပါတယ်။

ဒီလို လမ်းပြညွှန်ကြားမှုတွေ ပြုလုပ်တဲ့နေရာမှာ Action Coaching နည်းလမ်းတွေကို အသုံးပြုမယ်ဆိုရင် ပိုပြီး ထိရောက်မှုရှိစွာနဲ့ ပြုလုပ်နိုင်မှာ ဖြစ်တဲ့အကြောင်း ဒီစာအုပ်ထဲမှာ ပြောပြပေးထားပါတယ်။