Wuhan Diary (2020) က တရုတ် အမျိုးသမီး စာရေးဆရာ Fang Fang ရေးသားထားတဲ့ အွန်လိုင်းအက်ဆေးတွေကို စုစည်းထားမှု ဖြစ်ပါတယ်။ ဒီအက်ဆေးတွေက ၀ူဟန်မြို့ကို ကိုရိုနာဗိုင်းရပ်စ်ကြောင့် လော့ဒေါင်းချထားတဲ့ အချိန်တစ်လျှောက်လုံးမှာ ရေးသားခဲ့တဲ့ စာတွေ ဖြစ်ပါတယ်။ ကိုရိုနာဗိုင်းရပ်စ်ကို ရှေ့ဆုံး ရင်ဆိုင်ခဲ့ရတဲ့ ဒီနေ့စဉ်မှတ်တမ်းက သိပ်မကြာခင် ကမ္ဘာတစ်ခုလုံးကို ကူးစက် ပြန့်ပွားတော့မယ့် ကပ်ရောဂါကြီးရဲ့ အစပိုင်း နေ့ရက်တွေ အကြောင်းကို ဖော်ပြ ပေးထားပါတယ်။ တရုတ်နိုင်ငံ နိုင်ငံရေး၊ ယဉ်ကျေးမှုတွေကို စိတ်ဝင်စားတဲ့သူတွေ၊ COVID-19 ကပ်ရောဂါကြီးရဲ့ အစပိုင်းကို သိချင်သူတွေ ဖတ်ရှုသင့်တဲ့ စာအုပ်တစ်အုပ်လည်း ဖြစ်ပါတယ်။