ကွန်းတန့်မားကက်တင်းမိတ်ဆက်
ကွန်းတန့်မားကက်တင်းစာအုပ်ကို ဖတ်ရှုရန် ဖိတ်ခေါ်ပါသည်။ ယခုစာအုပ်သည် ကွန်းတန့်မားကက်တင်း စွမ်းအားကို အသုံးချလိုသူတိုင်းအတွက် အဆင်ပြေအောင် ရေးသားတင်ပြထားပါသည်။ စွန့်ဦးတီထွင်လုပ်ငန်းရှင်များ၊ ဈေးကွက်ဖော်ဆောင်သူများ၊ လုပ်ငန်းဦးဆောင်သူများအတွက်လည်း အဆင်ပြေသည်။ ဒီဂျစ်တယ်ခေတ်ကြီးတွင် ထိရောက်သော ကွန်းတန့်မားကက်တင်း ဗျူဟာကို နားလည်ပြီး အသုံးချနိုင်ခြင်းသည် အားသာချက်တစ်ခုအဖြစ်ပင် မဟုတ်တော့ဘဲ မဖြစ်မနေ လိုအပ်ချက်တစ်ခု ဖြစ်လာနေပါပြီ။
ယခုစာအုပ်ငယ်ကို ကွန်းတန့်မားကက်တင်း၏ နက်နဲသိမ်မွေ့မှုများကို စာဖတ်သူသိရှိနားလည်စေရန် ရည်ရွယ်ပြီး ရေးသားထားပါသည်။ အခြေခံစည်းမျဉ်းများမှသည် အသုံးချဗျူဟာများအထိ တင်ပြပေးထား၏။ သို့ဖြစ်သဖြင့် ကွန်းတန့်ဖန်တီးမှု၊ ဖြန့်ချိမှု၊ တိုင်းတာမှု စသည့် အမျိုးမျိုးသော အကြောင်းအရာများကို သိရှိစေပြီး ကွန်းတန့်နယ်ပယ်ကို ထဲထဲဝင်ဝင် နားလည်စေနိုင်ရန် စီမံထားသည်။
အခန်း ၁၁ ခန်းဖြင့် အဓိက အချက်များကို တင်ပြထားပါသည်။ ထိုအခန်းများတွင် အခြေခံဖြစ်သော ကွန်းတန့်မားကက်တင်းကို နားလည်ခြင်းနှင့် ယနေ့ခေတ်တွင် အရေးကြီးလာရသည့် အကြောင်းကို တွေ့ရမည်။ ထို့နောက် ကွန်းတန့်ဗျူဟာ ရေးဆွဲခြင်းဆိုင်ရာ လက်တွေ့အကြောင်းအရာများနှင့် လူသိများမည့် အဖိုးတန်ကွန်းတန့်များ ဖန်တီးခြင်း၊ ဖြန့်ချိရေးအတွက် ပလက်ဖောင်းများအကြောင်း လေ့လာရမည်။ ထိုမှ ဆက်ကာ အောင်မြင်မှုတိုင်းတာရာတွင် အရေးကြီးသောအချက်များနှင့် သုံးသပ်ချက်အလိုက် ဗျူဟာပြောင်းလဲခြင်းအကြောင်းကို ဖတ်ရှုနိုင်ရန် စီမံပေးထား၏။
စာအုပ်ငယ်ကို ရေးသားရာတွင် သက်ဆိုင်ရာ ရောင်းအားကောင်းစာအုပ်များမှ အဓိကစည်းမျဉ်းများ၊ သက်ဆိုင်ရာသုတေသနများနှင့် ခေတ်စားနေသော သီအိုရီများကို ခြုံငုံလေ့လာကာ ရေးသားထားပါသည်။ ထို့ကြောင့် စာအုပ်ပါ အကြောင်းအရာများကို ဗဟုသုတနှင့် လက်တွေ့ပိုင်းပါ ပါဝင်အောင် ဂရုစိုက်စီစဉ်ထားသည်။ ရေးသားဟန်မှာလည်း စတင်လေ့လာသူအတွက် အဆင်ပြေစေရန် တိုက်ရိုက်ပြောနေဟန်ဖြင့် ဖြစ်ပါသည်။ နားလည်လွယ်အောင် စာပိုဒ်၊ စာကြောင်းများကို ဂရုစိုက်ရေးသားပေးထားသည်။
စာဖတ်သူသည် ကိုယ်ပိုင် Brand တည်ဆောက်လိုသည့် လုပ်ငန်းရှင်၊ သို့မဟုတ် ကမ်ပိန်းများ ကျင်းပလိုသော ဈေးကွက်ဖော်ဆောင်သူ၊ သို့မဟုတ် ကုမ္ပဏီ၏ ဒီဂျစ်တယ်ဆိုင်ရာဗျူဟာများကို ဆန်းသစ်လိုသော လုပ်ငန်းဦးဆောင်သူ ဖြစ်လျှင် ဖတ်သင့်သည့် စာအုပ် ဖြစ်ပါသည်။ ကွန်းတန့်မားကက်တင်း လေ့လာရေးခရီးကို စတင်ပါပြီ။ စိတ်ဝင်စားဖွယ် ကွန်းတန့်နယ်ပယ် ဗဟုသုတများကြား လျှောက်လှမ်းစူးစမ်းကြပါစို့။

အခန်း (၁)  ကွန်းတန့်မားကက်တင်းအကြောင်း။
ကွန်းတန့်မားကက်တင်းသည် ဒီဂျစ်တယ်ခေတ်တွင် မရှိမဖြစ်သော ဗျူဟာတစ်ခု ဖြစ်သည်။ သင့်လျော်သော ကွန်းတန့်များကို ပုံမှန် ဖန်တီးဖြန့်ချိခြင်းဖြင့် ရှင်းလင်းစွာ သတ်မှတ်ထားသည့် ပရိသတ်ကို ဆွဲဆောင်ထိန်းထားနိုင်စေသည့် ဗျူဟာပင် ဖြစ်သည်။ ယခုအခန်းတွင် ကွန်းတန့်မားကက်တင်းဆိုင်ရာ အခြေခံသဘောတရားနှင့် ဒီဂျစ်တယ်မျက်နှာစာတွင် အရေးပါမှုကို တင်ပြထားပြီး အစဉ်အလာ ဈေးကွက်ဖော်ဆောင်မှု နည်းလမ်းများနှင့် မည်သို့ကွဲပြားပုံကိုလည်း သိရပါမည်။ 
အခန်း (၂) ရည်ရွယ်ချက်- ကွန်းတန့်မားကက်တင်း၏ အရေးပါမှု
ကွန်းတန့်မားကက်တင်းက အဘယ်ကြောင့် လုပ်ငန်းများအတွက် အရေးကြီးသနည်း။ ယခုအခန်းတွင် ကွန်းတန့်မားကက်တင်း၏ အားသာချက်များနှင့် brand တည်ဆောက်ခြင်း၊ ပရိသတ်ထိတွေ့မှု၊ SEO အကြောင်းနှင့် ဝယ်သူသစ် ရှာဖွေခြင်းတို့ကို လေ့လာရမည်။ အရည်အသွေးပြည့်သော ကွန်းတန့်က သင့်လုပ်ငန်းအပေါ် ယုံကြည်စိတ်ချရမှုကို မည်သို့ တိုးတက်စေကြောင်းကို လေ့လာရမည်။
အခန်း (၃) အကြောင်းအရာ- ကွန်းတန့်မားကက်တင်း အမျိုးအစားများ
ကွန်းတန့်မားကက်တင်းအမျိုးအစားများစွာ ရှိသည်။ ဘလော့ဂ်များ၊ ဗွီဒီယိုများ၊ ပေါ့ကတ်များ၊ ပညာပေးသရုပ်ဖော်များ စသည်ဖြင့် ဖြစ်သည်။ ယခုအခန်းတွင် ကွန်းတန့်အမျိုးအစား များစွာ အကြောင်း လေ့လာရပြီး မည်သည့်အမျိုးအစားက လုပ်ငန်းရည်ရွယ်ချက်နှင့် သတ်မှတ် ပရိသတ်အတွက် အကောင်းဆုံးဖြစ်သည်ကို နားလည်နိုင်စေပါမည်။
အခန်း (၄) နည်းလမ်း- ကွန်းတန့်ဗျူဟာ ရေးဆွဲခြင်း
အောင်မြင်သော ကွန်းတန့်ဗျူဟာတစ်ခု ရနိုင်ရန် ဂရုတစိုက်စီစဉ်ခြင်းနှင့် အကောင်အထည်ဖော်ခြင်းများ လိုအပ်ပါသည်။ ယခုအခန်းတွင် ပန်းတိုင်သတ်မှတ်ခြင်း၊ ပရိသတ်အကြောင်း နားလည်ခြင်း၊ ကွန်းတန့် စီစဉ်ခြင်း၊ ဖန်တီးခြင်း၊ ဖြန့်ချိခြင်းနှင့် အောင်မြင်မှုတိုင်းတာခြင်းများအကြောင်း လေ့လာရမည်။
အခန်း (၅) ဇာတ်ကြောင်းပြောခြင်းနှင့် Brand ဇာတ်လမ်း 
ကွန်းတန့်မားကက်တင်းနှင့် ပတ်သက်လျှင် ဇာတ်ကြောင်းပြောခြင်း၏ စွမ်းအားကို ဂုဏ်တင်ဖော်ပြလွန်းသည်ဟု မရှိနိုင်ပါ။ ယခုအခန်းတွင် ပရိသတ်နှင့် အဆင်ပြေမည့် ဇာတ်လမ်းများ ရေးသားခြင်းနှင့် brand ဇာတ်လမ်းကောင်းများဖြင့် customer ထိတွေ့မှုကောင်းစေပြီး ထိန်းထားနိုင်ခြင်းတို့ကို လေ့လာရမည်။
အခန်း (၆) SEO (Search Engine Optimization) နှင့် ကွန်းတန့်မားကက်တင်း
SEO သည် သင်ရည်ရွယ်သော ပရိသတ်များ သင့်ကွန်းတန့်နှင့် ထိတွေ့မှု ရှိစေရန် စီစဉ်ရာတွင် အရေးပါသည်။ ယခုအခန်းတွင် SEO အခြေခံ၊ သော့ချက်စကားလုံးသုတေသနနှင့် Search engines များတွင် သင့်ကွန်းတန့်ကို လူတွေ့ရှိမှုများစေရန် စီစဉ်ပုံကို လေ့လာရမည်။
အခန်း (၇) ကွန်းတန့်ဖြန့်ချိရေးအတွက် လူမှုမီဒီယာများ
မီဒီယာပလက်ဖောင်းများသည် ကွန်းတန့်ဖြန့်ချိရေးအတွက် စွမ်းအားကြီးသော လက်နက်များ ဖြစ်သည်။ ယခုအခန်းတွင် မီဒီယာအမျိုးမျိုးနှင့် ပရိသတ်အားသာချက်များကို လေ့လာပြီး မီဒီယာအမျိုးအစားနှင့် သင့်လျော်သော ကွန်းတန့်များဖြင့် ထိရောက်စွာ ဖြန့်ချိပုံကို စူးစမ်းနိုင်မည်။
အခန်း (၈) အောင်မြင်မှုတိုင်းတာခြင်း- သုံးသတ်ချက်များနှင့် ကေပီအိုင်များ
ကွန်းတန့်မားကက်တင်း ဆောင်ရွက်ချက်များ၏ အောင်မြင်မှုကို တိုင်းတာခြင်းသည်လည်း အရေးကြီးပါသည်။ ထို့ကြောင့် ယခုအခန်းတွင် အချိန်နှင့်အမျှ ဗျူဟာဖော်ဆောင်မှုအတွက် အရေးကြီးသော သုံးသပ်ချက်များနှင့် KPI များကို လေ့လာရမည်။
အခန်း (၉) ကွန်းတန့်မားကက်တင်းဆိုင်ရာ စိန်ခေါ်မှုများကို ကျော်လွှားခြင်း
ကွန်းတန့်မားကက်တင်းမှာလည်း စိန်ခေါ်မှုများ၊ အခက်အခဲများ ရှိပါသည်။ ရေရှည်ခံသော အရည်အသွေးပြည့် ကွန်းတန့်များ ဖန်တီးခြင်းမှသည် လျင်မြန်စွာ ပြောင်းလဲနေသော ဒီဂျစ်တယ် ခေတ်မျက်နှာစာတွင် အမီလိုက်နိုင်ခြင်းအထိ စိန်ခေါ်မှု များလှ၏။ ယခုအခန်းတွင် အတွေ့ရများသော စိန်ခေါ်မှုများနှင့် ကျော်လွှားပုံများအကြောင်းကို လေ့လာနိုင်မည်။
အခန်း (၁၀) ကွန်းတန့်မားကက်တင်း အနာဂတ်အလားအလာ
ဒီဂျစ်တယ်လောကသည် အမြဲ တိုးတက်ပြောင်းလဲနေသည်။ ကွန်းတန့်မားကက်တင်း အခြေအနေမှာလည်း ထိုနည်းတူပင်။ ယခုအခန်းတွင် ကွန်းတန့်မားကက်တင်းအပေါ် AI နည်းပညာ၏ သက်ရောက်မှုများ၊ ဗွီဒီယိုနှင့် ပေါ့ကပ်များ အားကောင်းလာမှု၊ ပရိသတ်တစ်ဦးချင်းစိတ်ကြိုက် ကွန်းတန့်များစသည့် ကွန်းတန့်အကြောင်း အနာဂတ်ရေးရာများကို လေ့လာရမည်။ 
အခန်း (၁၁) ကွန်းတန့်မားကက်တင်း လုပ်ငန်း
ကွန်းတန့်မားကက်တင်းဆိုင်ရာ အလုပ်အကိုင်ကို စိတ်ဝင်စားသူများအနေဖြင့် ယခုအခန်းတွင် လိုအပ်သော ကျွမ်းကျင်မှုများ၊ အလုပ်အကိုင်လမ်းကြောင်း၊ ကျွမ်းကျင်မှုportfolio အတွက် အကြံပြုချက်များနှင့် အတွေ့အကြုံရယူခြင်းများအကြောင်း လေ့လာရမည်။