Unlimited Power

ဒီစာအုပ်က ဘာအကြောင်းပြောထားတာလဲ? Unlimited Power (1989) စာအုပ်ကတော့ ကျွန်တော်တို့ဘဝမှာ ကပ်တွယ်နေတတ်တဲ့ အကြောက်တရားတွေ၊ မသေချာမရေရာမှုတွေနဲ့ ကိုယ့်ကိုယ်ကို မကျေနပ်တဲ့ ခံစားချက်တွေကို ကျော်လွှားနိုင်ဖို့ လမ်းပြပေးထားတဲ့ စာအုပ်တစ်အုပ်ဖြစ်ပါတယ်။ ကျွန်တော်တို့ရဲ့ ခန္ဓာကိုယ်နဲ့ အတွေးတွေကို အကောင်းဆုံးဖြစ်အောင် ပြုလုပ်နိုင်မယ့် နည်းလမ်းတွေကို ဖော်ပြထားပေးပါတယ်။ ကိုယ်လိုချင်တဲ့ရလဒ်တွေကို ရရှိနေပြီး အောင်မြင်နေတဲ့သူတွေရဲ့ စိတ်နဲ့ခန္ဓာကို ပုံတူကူးပြီး ကျွန်တော်တို့ဘဝကိုလည်း သူတို့လိုအောင်မြင်အောင်လုပ်ဆောင်နိုင်တယ်ဆိုတာကို ဖော်ပြထားပေးတဲ့ စာအုပ်တစ်အုပ်ဖြစ်ပါတယ်၊ ဘယ်သူတွေဖတ်ဖို့လဲ?

Discipline Is Destiny

2022 ခုနှစ်မှာ ထုတ်ဝေခဲ့တဲ့ Discipline is Destiny စာအုပ်က Stoicism ရဲ့ သူတော်ကောင်းတရားကို အခြေခံပြီး ကိုယ့်ကိုယ်ကို ထိန်းချုပ်မှု (Self-disciplines) တွေနဲ့ ဘဝကိုလျှောက်လှမ်းသွားနိုင်ဖို့ နည်းလမ်းတွေကို ဖော်ပြထားပေးတဲ့ စာအုပ်ပဲဖြစ်ပါတယ်။ ဒီစာအုပ်ထဲမှာ တစ်ခြားဘယ်အရာကိုမဆို ကျွမ်းကျင်နိုင်ဖို့အတွက် ကိုယ့်ရဲ့ အတွေးတွေ၊ ခန္ဓာကိုယ်နဲ့  စိတ်ခံစားချက်တွေကို ထိန်းချုပ်နိုင်ဖို့က မူလအခြေခံလိုအပ်ချက်တွေ ဖြစ်တဲ့အကြောင်းကို ဖော်ပြထားတဲ့အပြင် အိပ်စက်တာ၊ သက်သောင့်သက်သာမရှိတာနဲ့ အကြင်နာတရားတွေက ကြီးကျယ်ခမ်းနားတဲ့ ဘဝနဲ့ ချိတ်ဆက်နေတယ်ဆိုတာကို ဖော်ပြထားပေးပါသေးတယ်။

Do Hard Things

Do Hard Things (2022) စာအုပ်ကတော့ အကြမ်းခံတယ်ဆိုတဲ့ ပေါ်မှာလူတွေလက်ခံထားတဲ့ အယူအဆအမှားတွေကို ပြန်လည်ပြုပြင်သတ်မှတ်ပေးထားပါတယ်။ အစဉ်အလာအားဖြင့်တော့ ကြံ့ကြံ့ခံနိုင်တယ်ဆိုတဲ့ အယူအဆနဲ့ ပတ်သက်ပြီး ကျွန်တော်တို့က ရဲ့ရင့်တဲ့ မျက်နှာထား၊ နာကျင်မှုတွေကို ခံနိုင်ရည် စတာတွေရှိနေတဲ့အခါမှာ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ စွမ်းဆောင်ရည်တွေ ပိုတိုးတက်လာပြီး ရေရှည်အတွက် အကျိုးရှိမယ့် ရလဒ်တွေရရှိနိုင်မှာ ဖြစ်တယ်လို့ ထင်ကြပါတယ်။ ဒါပေမယ့် တစ်ကယ့်ကို တူပေတာပေးခံတဲ့ ဇွဲဆိုတာ ကျွန်တော်တို့ရဲ့ခန္ဓာကိုယ်ကို သေသေချာချာ ဂရုတစ်စိုက်နားထောင်ပေးပြီး စိတ်ခံစားချက်တွေကို ကြိုဆိုတာတွေကနေ ပေါ်ပေါက်လာတာ ဖြစ်ပါတယ်။

Mindwise

ကျွန်တော်တို့အားလုံးက စိတ်ဖတ်တတ်တဲ့သူတွေဖြစ်ပြီး တစ်ယောက်ချင်းစီတိုင်းမှာ တစ်ခြားသူတွေရဲ့ ခံစားချက်တွေ၊ စိတ်ဆန္ဒတွေနဲ့ အတွေးတွေကို အာရုံခံနိုင်စွမ်း ရှိကြပါတယ်။ ကျွန်တော်တို့သူငယ်ချင်းတွေ၊ မိသားစုဝင်တွေနဲ့ တစ်ခြားသူတွေကို နားလည်နိုင်ဖို့ဆိုတာ အဲ့လောက်မခက်ပါဘူးလို့ ကျွန်တော်တို့ယုံကြည်ထားကြပေမယ့် အမှန်တစ်ကယ်တော့ တစ်ခြားသူတွေရဲ့စိတ်ကို ဖတ်တဲ့အခါ ကျွန်တော်တို့အားလုံးအမှားလုပ်တတ်ကြပါတယ်။ Mindwise စာအုပ်ထဲမှာတော့ လူတစ်ယောက်နဲ့တစ်ယောက် နားလည်ဖို့ကြိုးစားတဲ့အခါမှာ အများဆုံး လုပ်လေ့ရှိတဲ့အမှားတွေနဲ့ ဒီအမှားတွေကို ဖြစ်စေတဲ့ အကြောင်းရင်းတွေက ကျွန်တော်တို့ဘဝမှာ ဘယ်လို ရိုက်ခတ်လာနိုင်သလဲဆိုတာကို လည်း ဖော်ပြထားပါတယ်။

The Journey Beyond Fear (2021)

The Journey Beyond Fear (2021) စာအုပ်ကတော့ ကြောက်စိတ်ကို ကျော်လွှားပြီး ကိုယ့်ရဲ့ ဖြစ်နိုင်စွမ်းတွေကို အပြည့်ဝဆုံးထိ‌ ရောက်အောင် လုပ်ဆောင်ပေးမယ့် လမ်းညွှန်စာအုပ် တစ်အုပ် ဖြစ်ပါတယ်။ Silicon Valley မှာ နှစ် (၄၀) ကြာ အလုပ်လုပ်နေစဥ် အတောအတွင်းမှာ Hagel က လူတိုင်းအတွက် အကျိုးရှိနိုင်ပြီး လက်တွေ့ကျတဲ့ Tools ၃ ခု ကို ဖော်ထုတ်ခဲ့ပါတယ်။ ဒီစာအုပ်ထဲမှာတော့ ဒီ Tools တွေကို ဘယ်လို အသုံးပြုရမလဲ ဆိုတာကို သေသေချာချာ ရှင်းပြထားပါတယ်။ ဒါကြောင့် သင့်ရဲ့ Personal နဲ့ Professional ဘဝမှာ စိတ်လှုပ်ရှားစရာ အခွင့်အရေးအသစ်တွေကို လုပ်ဆောင်နိုင်စေပါလိမ့်မယ်။ မူရင်း စာရေးသူအကြောင်း  John […]

Maximize Your Potential

ကိုယ်စိတ်အားထက်သန်တဲ့နောက်ကိုလိုက်ပါဆိုတဲ့ “Follow Your Passion” ဆိုတဲ့ အကြံပြုချက်ကို ကျွန်တော်တို့ တော်တော်များများ ဘဝရဲ့တစ်ထောင့်တစ်နေရာမှာ ကြားဖူးခဲ့ကြပေမယ့် ဒီအကြံပြုချက်က တစ်ကယ်ပဲ ကောင်းတာတွေကို ဖြစ်စေသလား? ကျွန်တော်တို့ အနေနဲ့ အောင်မြင်တဲ့ အဆိုတော်တစ်ယောက်ဖြစ်ဖို့ ဆန္ဒပြင်းပြနေမယ်၊ ဒါပေမယ့် ကျွန်တော်တို့မှာ အသံပိုင်းဆိုင်ရာ၊ ဂီတပိုင်းဆိုင်ရာ အားနည်းချက်တွေရှိနေမယ်ဆိုရင် ဒီစိတ်အားထက်သန်မှု နောက်ကို မျက်စိမှိတ်ပြီးလိုက်သွားဖို့က မဖြစ်နိုင်ပါဘူး။ တစ်ခါတစ်လေ လူတစ်ယောက်မှာ သူစိတ်အားထက်သန်တဲ့ အလုပ်တစ်ခုနဲ့ ပတ်သက်ပြီး ပါရမီပါနေမယ်ဆိုရင် သူ့အလုပ်ကသူ့အတွက် ပျော်ပျော်ရွှင်ရွှင်နဲ့ ကြိုးစားအားထုတ်လို့ကောင်းတဲ့ အလုပ်တစ်ခု ဖြစ်နေမယ်ဆိုတာ ကျွန်တော်တို့ ငြင်းလို့မရပါဘူး။ ကျွမ်းကျင်မှုတွေဆိုတာ ပြုစုပျိုးထောင်လို့ရတယ်ဆိုတာ မှန်ပေမယ့် ကျွန်တော်တို့ မွေးလာကတည်းက သဘာဝအတိုင်း ကျွမ်းကျင်နေတဲ့အရာတွေ၊ လုပ်ရတာပျော်တဲ့အရာတွေကိုတော့ သိပ္ပံပညာရှင်တွေ၊ သင်္ချာပညာရှင်တွေနဲ့ အနုပညာပညာရှင်တွေက မရှင်းပြနိုင်ကြပါဘူး။ ဒီစာအုပ်ထဲမှာတော့ လူတိုင်းလူတိုင်း […]

Hustle

အကွက်ကျကျဖန်တီးထားတဲ့ စီးပွားရေးစနစ်ကြီးက ကျွန်တော်တို့ရဲ့ နေ့စဉ်ဘဝတွေကို အရမ်းကိုပျင်းစရာကောင်းတဲ့ ခံစားချက်တွေ ဖြစ်ပေါ်စေနေတဲ့အပြင် ကျွန်တော်တို့ အိပ်မက်တွေကို ဖန်တီးနိုင်ဖို့လည်း တားဆီးထားပါတယ်။ ဒီတော့ ဒီလိုပျင်းရိငြီးငွေ့စရာကောင်းတဲ့ နေ့စဉ်ဘဝထဲကနေ ရုန်းထွက်နိုင်ပြီး ကိုယ်လိုချင်တဲ့ဘဝတစ်ခုကို ဖန်တီးနိုင်ဖို့ဆိုရင် ကိုယ့်ကိုယ်ကို တွန်းအားပေးပြီး အင်တိုက်အားတိုက်လုပ်ဆောင်ပြီး အိပ်မက်နောက်ကိုလိုက်နေတဲ့ Hustle ဆိုတဲ့ လမ်းစဉ်ကို ကျင့်သုံးဖို့လိုအပ်ပါတယ်။ ဒါကြောင့် Rick Ross ရဲ့“Everyday I’m Hustlin” ဆိုတဲ့ သီချင်းနာမည်ဟာ ကျွန်တော်တို့ နေ့တိုင်းရွတ်ဆိုနေတဲ့ ဂါထာတစ်ပုဒ်ဖြစ်နေသင့်ပါတယ်။ ဒီလို အင်တိုက်အားတိုက်နဲ့ တွန်းအားပေးလုပ်ဆောင်မှပဲ ကျွန်တော်တို့ဟာ ပျင်းစရာကောင်းပြီး ကျွန်တော်တို့ကို ဆွဲချထားတဲ့ သာမန်လုပ်သားဘဝတွေကနေ ရုန်းထွက််နိုင်မှာ ဖြစ်ပါတယ်။ ဒီလိုမျိုး ကိုယ့်ကိုယ်ကို တွန်းအားပေးပြီး အင်တိုက်အားတိုက်လုပ်ဆောင်နိုင်ဖို့ဆိုရင် ကျွန်တော်တို့ဘဝကို ပိုကောင်းတဲ့ဘဝတစ်ခုစီရောက်ရှိစေနိုင်မယ့် ချိန်ကိုက်မှုသေးသေးလေးတွေကို လုပ်ဆောင်နေဖို့ လိုအပ်ပါတယ်။

No Excuses

ကျွန်တော်တို့အားလုံးက ငွေကြေးဆိုင်ရာ လွှတ်လပ်မှု၊ ပုဂ္ဂိုလ်ရေးဆိုင်ရာ ကျေနပ်မှု၊ ရေရှည်ပျော်ရွှင်မှုတွေကို လိုချင်ကြတဲ့သူတွေဖြစ်ကြတယ်။ ကိုယ်လိုချင်တဲ့အရာတွေကို ဘယ်လိုနည်းလမ်းနဲ့ ရအောင်လုပ်လို့ရမလဲဆိုတာလည်း သိကြတယ်။ ဒါပေမယ့် ကျွန်တော်တို့ဟာ ကိုယ့်တိုင်ချထားတဲ့ စည်းကမ်းတွေမလိုက်နာတာ၊ ဆင်ခြေတွေအများကြီး လျှောက်ပေးနေတာကြောင့်လည်း ကျွန်တော်တို့လိုချင်တဲ့ အရာတွေနဲ့ ဝေးကွာနေကြတုန်း ဖြစ်ပါတယ်။ ဒီတော့ ဒီလိုဆင်ခြေတွေ ထပ်တလဲလဲပေးပြီး ကိုယ်တိုင်စည်းကမ်းမလိုက်နာတတ်တဲ့ အပြုအမူကို ဘယ်လို ရင်ဆိုင်ဖြေရှင်းရမလဲဆိုတာကို ဒီစာအုပ်ထဲမှာ ဖော်ပြထားပါတယ်။ ဒီစာအုပ်ထဲမှာ Seven-Step Method ဆိုတာ ဘာလဲ?ကိုယ့်ရဲ့ အကြောက်တရားတွေကို ဘယ်လိုအနိုင်ယူရမလဲ?  1% Formula နဲ့ ငွေစုဆောင်းတဲ့ အကြောင်းနဲ့ ABCDE Method တွေကို ဖော်ပြထားပါတယ်။

Ego is the Enemy

ကျွန်တော်တို့အားလုံးဟာ Aspire ဆိုတဲ့ ဆန္ဒပြင်းပြနေတဲ့ အခြေအနေ၊ Success ဆိုတဲ့ အောင်မြင်နေတဲ့ အခြေအနေနဲ့ Failure ဆိုတဲ့ ကျရှုံးမှု အခြေအနေ သုံးမျိုးထဲက တစ်မျိုးမျိုးထဲမှာ အမြဲတမ်းရှိနေကြပြီး အခြေအနေတစ်ခုကနေ တစ်ခုကိုအမြဲပြောင်းလဲနေကြရပါတယ်။ တစ်ကယ်လို့ကိုယ်က အလုပ်အကိုင်ပိုင်းမှာ အောင်မြင်နေတယ်ဆိုရင် နောက်ထပ်တစ်ဆင့်မှာ ဆက်အောင်မြင်နေရင်အောင်မြင်နေမယ်၊ ဆန္ဒတွေပြင်းပြလို့ ဒီထက်ပိုအောင်မြင်အောင် လုပ်ဆောင်ရင် လုပ်ဆောင်နေမယ် ဒါမှမဟုတ် အခက်အခဲတွေရင်ဆိုင်ရပြီး ကျရှုံးရင် ကျရှုံးသွားနိုင်ပါတယ်။ တစ်ကယ်လို့ကိုယ်က Relationship တစ်ခုမှာ ကျရှုံးနေမယ်ဆိုရင် ဆက်ပြီးကျရှုံးရင် ကျရှုံးနေမယ်၊ နောက်ထပ် Relationship အသစ်ကို ဆန္ဒရှိရှိစတင်ဖို့ ကြိုးစားရင်ကြိုးစားမယ်၊ ဒါမှမဟုတ် ရှိပြီးသား Relationship ကို ပိုကောင်းအောင် ဆန္ဒရှိရှိကြိုးစားရင် ကြိုးစားမယ်။ ဒါတွေကို ကြည့်မယ်ဆိုရင် ကျွန်တော်တို့ဟာ အရှေ့ကဖော်ပြခဲ့တဲ့ အခြေအနေ သုံးမျိုးထဲက […]

Why Marriages Succeed or Fail

စစ်တမ်းအရဆိုရင် အိမ်ထောင်ပြုပြီးတဲ့ အတွဲ ၅၀ ရာခိုင်နှုန်းက ကွာရှင်းတတ်ကြပါတယ်။ ဒီတော့ တစ်ယောက်နဲ့တစ်ယောက် ချစ်ကြလို့ပဲ မင်္ဂလာဆောင်ခဲ့ကြတဲ့အတွဲတွေက ဘယ်ကြောင့်မို့များ တရားရုံးမှာ လမ်းခွဲဖို့ အဆုံးသတ်သွားကြရတာလဲ? ဒါကြောင့်ပဲ Psychologist John Gottman က ဘယ်လိုအတွဲတွေက သက်ဆုံးတိုင် လက်တွဲသွားတတ်ကြပြီး ဘယ်လိုအတွဲတွေက လမ်းခွဲတတ်ကြသလဲဆိုတာကို သူ့လုပ်သက်တစ်လျှောက်လုံး လေ့လာခဲ့ပါတယ်။ 1970 ခုနှစ်လောက်ကတည်းက ဒီအကြောင်းအရာနဲ့ ပတ်သက်ပြီး Psychologists တွေက Theory တွေအများကြီး ထုတ်ခဲ့ကြပေမယ့် ဘယ်သူကမှ လက်တွေ့သုတေသနတွေ မလုပ်ဆောင်ခဲ့ပါဘူး။ Gottman ကတော့ အတွဲရာပေါင်းများစွာကို ဖိတ်ခေါ်ပြီးတော့ X-ray of a marriage ဆိုတဲ့ စမ်းသပ်မှု ပြုလုပ်ခဲ့ပြီး ဒီစမ်းသပ်မှုမှာ Gottman နဲ့ သူ့အဖွဲ့က ဘယ်အတွဲက နောက်သုံးနှစ်လောက်နေရင် […]