$100 Startup စာအုပ်ကို "စီးပွားရေးလုပ်ငန်းတစ်ခု စဖို့ လိုအပ်တဲ့ တစ်ခုတည်းသော စာအုပ်" လို့ ညွှန်းကြတယ်။ စာရေးသူ Chris Guillebeau ဟာ စီးပွားရေးလုပ်ငန်းငယ်ပေါင်း ၁၅၀၀ ကျော်ကို လေ့လာခဲ့ပြီး အဲဒီထဲကမှ လုပ်ငန်းအခု ၅၀ ကို တွေ့ဆုံ မေးမြန်း အင်တာဗျူးခဲ့ပြီးမှ ဒီစာအုပ်ကို ရေးခဲ့တာဖြစ်ပါတယ်။ ဒီလုပ်ငန်းငယ်တွေဟာ တစ်နှစ်ကို US $50000 နဲ့ အထက် ဝင်ငွေရှိပြီး လုပ်ငန်းစတင်ဖို့ အလွန်နည်းပါးတဲ့ အရင်းအနှီးနဲ့ စခဲ့ကြတဲ့သူတွေချည်းပဲ၊ အများစုရဲ့ အရင်းဟာ $100 အောက် နည်းပါးပါတယ်။ ဒီစာအုပ်ဟာ အောင်မြင်တဲ့ အွန်လိုင်းစီးပွားရေးလုပ်ငန်းတစ်ခုကို အိမ်ကနေပြီး ဘယ်လိုတည်ဆောက်ခဲ့သလဲ ဆိုတဲ့ ဖြစ်ရပ်မှန်တွေကို အင်တာဗျူးလုပ်ထားပြီး ဒီလိုတည်ဆောက်ဖို့ အရေးကြီးတဲ့ သင်ခန်းစာများကို စုစည်းပေးထားတဲ့ စာအုပ်ဖြစ်ပါတယ်။

ဘာတွေလေ့လာရမလဲ ?

အွန်လိုင်းစီးပွားရေးလုပ်ငန်း စတင်ဖို့ အရေးကြီးတဲ့ သင်ခန်းစာ (၃) ခု
လုပ်ငန်း မစတင်မီ၊ စတင်ရန် Plan ရေးဆွဲခြင်း၊ အမှန်တကယ် စတင်ခြင်း၊ ရောင်းခြင်း၊ Product Launch လုပ်ခြင်း တို့အတွက် အကြံပေးချက်များ
အမြတ်ငွေ များများရဖို့ Focus လုပ်နိုင်မယ့် နည်းလမ်း (၄) ခု
အွန်လိုင်းစီးပွားရေးလုပ်ငန်းတစ်ခု ဆက် run နိုင်ဖို့ နဲ့ လုပ်ငန်းကို အပြင်မှ စီမံခန့်ခွဲနိုင်ဖို့ အကြံပေးချက်များ