The Worry-Free Mind (2017) စာအုပ်က ကျွန်‌တော်တို့အနေနဲ့ ဘာကြောင့် စိုးရိမ်ပူပန်မှုတွေမှာ အချိန်တွေအများကြီး ကုန်ဆုံးကြလဲဆိုတာနဲ့ ဒီလို စိတ်ပူပန်မှုတွေကို လျှော့ချဖို့အတွက် ဘာတွေလုပ်နိုင်မလဲဆိုတာကို အသေးစိတ် လေ့လာထားပါတယ်။ စိတ်ဖိစီးမှုတွေ ပြည့်နှက်နေတာက လူသားတစ်ဦးဖြစ်ရခြင်းရဲ့ တစ်စိတ်တစ်ပိုင်းပါပဲ။ ဒါပေမဲ့ ကိုယ့်ရဲ့အတွေးတွေ၊ စိတ်ခံစားမှုကို ထိန်းချုပ်ဖို့အတွက် မဖြစ်နိုင်ဘူးလို့ ဆိုလိုတာတော့ မဟုတ်ပါဘူး။ ဒီစာအုပ်ထဲမှာ ကိုယ့်ရဲ့ စိတ်ကို ထိန်းချုပ်ပြီး ပိုပြီး ပျော်ရွှင်ရတဲ့ ဘဝတစ်ခုကို နေနိုင်ဖို့အတွက် နည်းစနစ်တချို့နဲ့ အကြုံပြုချက်တစ်ချို့ကို ဖော်ပြထားပါတယ်။

ဘယ်လိုသူတွေ ကြည့်ရှုဖို့အတွက်လဲ။

– Negative အတွေးတွေ အများကြီးထဲမှာ ပိတ်မိနေတဲ့သူတွေ

– စိတ်ပူပန်မှုအခြေအနေမှာ ပိတ်မိနေတဲ့သူတွေ

– Meditation နဲ့ စိတ်ဝိဉာဥ်ပိုင်းဆိုင်ရာ လေ့လာနေတဲ့ ကျောင်းသားတွေကြည့်ရှုသင့်ပါတယ်။

မူရင်းစာရေးသူ အကြောင်း

Carol Kershaw က အိပ်မွေ့ချ စိတ်ညှို့ခြင်းကို အထူးပြုတဲ့ စိတ်ပညာရှင်တစ်ယောက်ဖြစ်ပါတယ်။ သူမဟာ သူမရဲ့ ခင်ပွန်း Bill Wade နဲ့အတူ Houston ရဲ့ Milton Erickson Institute ကို ဦးစီးပါတယ်။ ဒီကျောင်းက လူ့အဖွဲ့အစည်းထဲက မိသားစုတွေ၊ စုံတွဲတွေ၊ လူတစ်ဦးချင်းစီတိုင်းကို စိတ်ပညာကုထုံးတွေ ‌ထောက်ပံ့ပေးဖို့လုပ်ဆောင်ပါတယ်။ Kershaw က The Couple’s Hypnotic Dance စာအုပ်ကို ရေးသားခဲ့ပြီး Brain Change Therapy: Clinical Interventions for Self Transformation စာအုပ်ကို တွဲဖက်ရေးသားခဲ့ပါတယ်။

Bill Wade ကတော့ ပရော်ဖက်ရှင်နယ် အကြံပေးတစ်ယောက်၊ စုံတွဲတွေနဲ့ မိသားစုတွေကို အထူးပြုတဲ့ ကုထုံးဆရာတစ်ယောက်ဖြစ်ပါတယ်။ သူ့ရဲ့ လူနာတွေကို ပိုပြီးကောင်းအောင် ကုသနိုင်ဖို့အတွက် ချဥ်းကပ်နည်းလမ်း အသစ်တွေကို အမြဲရှာဖွေနေတဲ့သူလဲ ဖြစ်ပါတယ်။ သူ့ရဲ့ ဇနီး Carol Kershaw နဲ့အတူ Houston က Milton Erickson Institute ကို ဦးစီးပါတယ်။