ဒီစာအုပ်က ဘာအကြောင်းပြောထားတာလဲ?

COVID-19: The Great Reset (2020) စာအုပ်က ကိုရိုနာဗိုင်းရပ်စ် ကူးစက်ရောဂါကြီး အပြီးမှာ ကမ္ဘာ့စီးပွားရေးအခြေအနေတွေက ဘယ်လိုမျိုး ပြောင်းလဲသွားမယ် ဆိုတဲ့ အကြောင်းနဲ့ ဘယ်လိုမျိုး နည်းလမ်းတွေနဲ့ ပြောင်းလဲလုပ်ဆောင်သင့်တယ် ဆိုတဲ့ အကြောင်းတွေကို သုံးသပ်ရေးသားပေးထားတဲ့ စာအုပ်တစ်အုပ် ဖြစ်ပါတယ်။ကိုဗစ်-၁၉ ကပ်ရောဂါဆိုးကြီးကြောင့် ကမ္ဘာ့စီးပွားရေး၊ လူမှုရေး၊ ကျန်းမာရေး စတဲ့ နယ်ပယ် အသီးသီးမှာ ထိခိုက်မှုတွေ ရှိခဲ့ပါတယ်။ စီးပွားရေးလုပ်ငန်းတွေက စိန်ခေါ်မှုတွေနဲ့ ရင်ဆိုင်ခဲ့ရပါတယ်။ ရုပ်ပိုင်းဆိုင်ရာ ကျန်းမာရေးတွေတင်သာ မကဘဲ စိတ်ပိုင်းဆိုင်ရာ ကျန်းမာရေးတွေကိုပါ ထိခိုက်မှုတွေ ရှိခဲ့ပါတယ်။ဒါပေမဲ့ ဒီလို ကိုဗစ်-၁၉ ရောဂါကြီးကြောင့် ဖြစ်ပေါ်လာခဲ့တဲ့ အဖြစ်အပျက်တွေကို အခွင့်အလမ်းအနေ နဲ့လည်း ကြည့်ရှုသုံးသပ်လို့ ရပါတယ်။ ဒီရောဂါဆိုးကြီး ဖြစ်ပွားပြီး နောက်ပိုင်းမှာ ကျွန်တော်တို့ရဲ့ ကမ္ဘာကြီးကို ရေရှည်တည်တံ့တဲ့ နည်းလမ်းတွေနဲ့ ဘယ်လိုမျိုး ပြောင်းလဲလုပ်ဆောင်သင့်တယ်၊ တည်ဆောက်သင့်တယ် ဆိုတဲ့ အကြောင်းတွေကို ဒီစာအုပ်ထဲမှာ ပြောပြပေးထားပါတယ်။