ဒီစာအုပ်က ဘာအကြောင်းပြောထားတာလဲ?

“Time is Money “ ဆိုတဲ့ ဆိုရိုးက ခေတ်ဟောင်းဆိုရိုးတစ်ခုဆိုပေမယ့် အခု နည်းပညာတွေ တိုးတက်နေတဲ့ ခေတ်အထိ ကိုက်ညီနေဆဲ ဖြစ်ပါတယ်။ ကျွန်တော်တို့ဟာ အလုပ်တွေ၊ ကိုယ့်ကိုကိုယ် တိုးတက်အောင်လုပ် (self improvement) တဲ့ အခါတွေမှာ အချိန်တခုအတွင်း ပြောင်းလဲမှု တစ်ခုခုကို ဖြစ်မြောက်အောင် လုပ်ကို လုပ်ရမယ်လို့ ယုံကြည်ထားကြပါတယ်။

ပြောင်းလဲမှုတွေကို မလုပ်ဆောင်ဘဲ လူအများလုပ်တဲ့ အရာတွေ အတွေးအခေါ်တွေကိုဘဲ​ကိုင်ဆောင်ထားတာဟာ ကျွန်တော်တို့ရဲ့ တွေးခေါ်နိုင်စွမ်းကို ပျက်စီးစေတယ် ဒီအယူအဆတွေက ကျွန်တော်တို့ကို ပျော့ညံ့စေပြီး စိတ်ဆင်းရဲစေတယ်၊ တကိုယ်ကောင်းပိုဆန်လာစေတယ် လို့  စာရေးဆရာ အနုပညာရှင် တစ်ယောက်ဖြစ်တဲ့ Jenny Odell ကယူဆပါတယ်။ ဒါကြောင့် ဒီအယူအဆကို မတူညီတဲ့ ချည်းကပ်မှု တစ်ခုအနေနဲ့ လုပ်ဆောင်ဖို့ အချိန်တန်ပြီလို့ ယူဆလိုက်ပါတယ် 

Social Media ခေတ်ကြီးထဲမှာ ကျွန်တော်တို့ရဲ့ အာရုံစိုက်မှုနှုန်းက ကျဆင်းသထက်ကျဆင်း လာပါတယ်၊ ကျွန်တော်တို့ရဲ့ အာရုံစူးစိုက်မှုကို ညွှန်ကြားရန်နဲ့ အာရုံစူးစိုက်နိုင်ရန် သင်ယူခြင်းတွေဟာ ကျွန်တော်တို့ကို ဆန်းသစ်ပြီး နက်ရှိုင်းတဲ့ အတွေ့အကြုံတွေကို ဖန်တီးပေး နိုင်ပါတယ်။  ဒီစာအုပ်ကို ရေးတဲ့ Odell ကလဲ အာရုံစူးစိုက်ဖို့ အကောင်းဆုံးက ဘာမှ မလုပ်ဘဲ နေခြင်းဘဲ ဖြစ်တဲ့အကြောင်းကို ဒီစာအုပ်ထဲမှာ ပြောထားပါတယ်။