မကြာခဏဆိုသလို ကျွန်တော်တို့တွေက ဘ၀ရဲ့ မှားယွင်းတဲ့ အရာတွေအပေါ်မှာ အာရုံစိုက်မိ တတ်ကြပါတယ်။ ဒီအချိန်မှာ ကျွန်တော်တို့အတွက် သဟဇာတ မဖြစ်မှုတွေနဲ့ စိတ်ဖိစီးမှုတွေ ဖြစ်လာပါတော့တယ်။

သင့်ဘ၀ရဲ့ အရည်အသွေးတွေကို တိုးတတ်ကောင်းမွန်လာစေချင်တယ်ဆိုရင် သင့်ရဲ့ ဦးစားပေး လုပ်ဆောင်ရမယ့် အရာတွေကို သေချာသိရှိအောင် အတည်ပြုနိုင်ဖို့ လိုပါတယ်။

အရေးပေါ် လုပ်ဆောင်တဲ့အရာတွေကို အရေးကြီးတဲ့အတွက်ကြောင့် လုပ်ဆောင်တဲ့ အရာတွေနဲ့ အစားထိုးရပါမယ်။ သင့်ရဲ့ အလုပ်တာဝန်တွေ အကုန်လုံးကို ဟန်ချက်ညီအောင် လုပ်ဆောင်ရပါတယ်။

ဒီလိုလုပ်ဆောင်နိုင်ဖို့အတွက် သင်က အနာဂတ်ကို အခြေခံထားတဲ့ vision တွေ ရှိနေဖို့ လိုပါတယ်။ ဒီတော့မှသာ သင့်အတွက် ထိရောက်မှုရှိတဲ့ ပန်းတိုင်တွေကို ချမှတ်နိုင်မှာ ဖြစ်ပါတယ်။

သင်က သင့်ရဲ့ ပထမဦးစားပေး လုပ်ဆောင်ရမယ့် အရာတွေကို သတ်မှတ်တဲ့အခါမှာ သေးငယ်တဲ့ အရာတွေ၊ အရေးပေါ် လုပ်ဆောင်ရမယ့် အရာတွေကို ဦးစားပေးမယ့်အစား သင့်အတွက် ပျော်ရွှင်မှုတွေ၊ ငြိမ်းချမ်းမှုတွေ ဖြစ်လာစေနိုင်တဲ့ အရာတွေကို ဦးစားပေးရပါမယ်။

ဒီစာအုပ်ထဲမှာ ပါဝင်တဲ့ အကြောင်းအရာတွေကို အကျဉ်းချုပ်ဖော်ပြရမယ် ဆိုရင်တော့ အောက်ပါအတိုင်း ဖြစ်ပါတယ်။

• အဓိပ္ပာယ်ရှိတဲ့ ဘ၀မှာ ရှင်သန်နေထိုင်ရတယ်ဆိုတာ လုပ်စရာရှိတဲ့ အရာတွေကို မြန်နိုင်သမျှ အမြန်ဆုံး လုပ်ဆောင်တတ်ခြင်း မဟုတ်ပါဘူ။ ပထမဦးစားပေး လုပ်ဆောင်ရမယ့် အရာတွေကို အရင်ဆုံး လုပ်ဆောင်တတ်ခြင်း ဖြစ်ပါတယ်။ (Living a meaningful life isn’t about doing things as quickly as possible – it’s about doing “first things” first.)

• အရေးပေါ် ဖြစ်လာတဲ့ အရာတွေ အပေါ်မှာ အာရုံစူးစိုက်ထားမယ့် အစား အရေးကြီးတဲ့ အရာတွေ အပေါ်မှာ အာရုံစူးစိုက်ထားသင့်ပါတယ်။ (Instead of focusing on what’s urgent, focus on what’s important.)

• ဘ၀မှာ အရည်အသွေးမြင့်မားစွာ နေထိုင်နိုင်ခြင်း ရှိတယ်ဆိုတာက သင့်လိုအပ်ချက်တွေကို ရောက်ရှိအောင် လုပ်ဆောင်နိုင်ခြင်းနဲ့ သင့်ရဲ့ စည်းမျဉ်းတွေအပေါ်မှာ အာရုံစူးစိုက်ထားခြင်းတို့ အပေါ်မှာ မူတည်နေပါတယ်။ (Having a high quality of life depends on meeting your needs and focusing on your principles.)

• အနာဂတ်အတွက် ခိုင်မာတဲ့ vision ရှိလာအောင် လုပ်ဆောင်ပြီး သင်က ဘယ်နေရာကို ဦးတည်နေတာလဲ ဆိုတာကို သိနိုင်ဖို့အတွက် အသုံးပြုရပါမယ်။ (Develop a strong vision for the future, and use it to know where you’re headed.)

• အနာဂတ်အတွက် vision တွေနဲ့ စည်းမျဉ်းတွေကို အခြေခံထားတဲ့ ပန်းတိုင်တွေကိုသာ ရောက်ရှိအောင် လုပ်ဆောင်နိုင်မှာ ဖြစ်ပါတယ်။ (Only goals based on principles and a vision for the future are likely to be reached.)

• မှန်ကန်တဲ့ ဆုံးဖြတ်ချက်တွေ ပြုလုပ်နိုင်ဖို့အတွက် မှန်ကန်တဲ့ ရှုထောင့်အမြင်တွေ ရှိဖို့၊ ဂုဏ်သိက္ခာရှိစွာ လုပ်ကိုင်နိုင်ဖို့ စတဲ့ အချက်တွေ လိုပါတယ်။ (Making the right decisions depends on finding the right perspective, and acting with integrity.)

• အပြန်အလှန် မှီခိုနေမှုတွေနဲ့ ပူးပေါင်းဆောင်ရွက်မှုတွေ အပေါ်မှာ အာရုံစိုက်ထားရပါမယ်။ လွတ်လပ်စွာ လုပ်ကိုင်ခြင်းနဲ့ ယှဉ်ပြိုင်မှုတွေအပေါ်မှာ မဟုတ်ပါဘူး။(Focus on interdependence and cooperation, not independence and competition.)

• သင့်အနားပတ်ဝန်းကျင်မှာ ရှိနေတဲ့ လူပုဂ္ဂိုလ်တွေကို တွန်းအားပေးကြခြင်းအားဖြင့် ခိုင်မာတဲ့ ပုဂ္ဂိုလ်ရေးဆိုင်ရာ ခေါင်းဆောင်တစ်ယောက် ဖြစ်လာနိုင်ပါတယ်။ (Be a strong personal leader by empowering those around you.)

• သင့်ရဲ့ ကွဲပြားခြားနားနေတဲ့ အခန်းကဏ္ဍတွေနဲ့ အလုပ်တာဝန်တွေကို တစ်ခုလုံးရဲ့ အစိတ်အပိုင်းတွေ အဖြစ် ပုံဖော်ရပါမယ်။ သီးခြားကွဲထွက်နေတဲ့ အပိုင်းတွေအဖြစ် ပုံမဖော်ရပါဘူး။ (Picture your different roles and tasks as parts of one whole, not as separate pieces.)

• သင့်ဘ၀ရဲ့ အရည်အသွေးတွေကို ပိုမိုတိုးတတ်အောင် လုပ်ကိုင်ခြင်းနဲ့ ပထမဦးစားပေး အရာတွေကို အရင်ဆုံး ဦးစားပေးလုပ်ဆောင်တတ်ခြင်းတို့က သင့်အတွက် စိတ်ငြိမ်းချမ်းမှု ရလဒ်တွေကိုလည်း ရရှိစေနိုင်ပါလိမ့်မယ်။ (Striving to improve your quality of life and putting “first things first” will result in inner peace.)

ဒီစာအုပ်နဲ့ ပတ်သက်ပြီး နောက်ထပ် ဆက်စပ် ဖတ်ရှုသင့်တဲ့ စာအုပ်တစ်အုပ်ကတော့ Stephen R. Covey ရဲ့ The 7 Habits of Highly Effective People စာအုပ်ဖြစ်ပါတယ်။

ဒီစာအုပ်ထဲမှာ လက်ရှိအချိန်ကာလမှာ အောင်မြင်နေကြသူတွေရဲ့ ထိရောက်စွာ လုပ်ဆောင်နိုင်တဲ့ အမူအကျင့် (၇) ချက်နဲ့ ရိုးသားဖြောင့်မတ်မှုက ဘယ်လို အသုံးဝင်တယ်ဆိုတဲ့ အကြောင်းတွေကို ဖော်ပြပေးထားပါတယ်။ ဒီစာအုပ်က ကမ္ဘာတစ်ဝန်းလုံးမှာ အုပ်ရေပေါင်း (၂၅) သန်းကျော် ရောင်းချခဲ့ရတဲ့ စာအုပ်တစ်အုပ်လည်း ဖြစ်ပါတယ်။