ဒီစာအုပ်က ဘာအကြောင်းပြောထားတာလဲ?

ဘဝတစ်ခုဆိုတာ မွေးတယ်၊ ရှင်သန်တယ်၊ သေတယ်။ ဒါကိုကြည့်မယ်ဆိုရင် ကျွန်တော်တို့ရှောင်လွှဲလို့မရတဲ့ အရာတွေက ဖြစ်လာမှာလုံးဝ သေချာနေတဲ့အတွက် အနာဂါတ်ဆိုတာ ခန့်မှန်းလို့ရသလိုပါပဲ။တစ်ခါတစ်လေကျရင်လည်း ကျွန်တော်တို့ ချမှတ်ထားတဲ့ ပန်းတိုင်တွေဆီ ရောက်မှရောက်နိုင်ပါ့မလား? ဘဝမှာ အချစ်စစ်နဲ့တွေ့မှာလား? ထီပေါက်မှာလား? ချမ်းသာမှာလား? စတဲ့ ဖြစ်လာနိုင်ခြေရှိတဲ့အရာတွေကို ကြိုတင်မသိနိုင်တဲ့အတွက် ဘဝဆိုတာ ခန့်မှန်းလို့ ရမနေပြန်ဘူး။တစ်ကယ်လို့ အနာဂါတ်ဆိုတာ တစ်သမတ်တည်း သတ်မှတ်ထားပြီးသားအရာဖြစ်သလို ပြောင်းလဲနေတဲ့အရာ ဖြစ်နေမယ်ဆိုရင် အချိန်နဲ့ပတ်သက်တဲ့ အယူအဆတွေကလည်း ဟိိုမရောက် ဒီမရောက်ဖြစ်နေမှာပါ။ဒီတော့ ကျွန်တော်တို့အနေနဲ့ ဒီလို တစ်သမတ်တည်း ပြောင်းလဲလို့မရသလို ကြိုတင်မှန်းဆထားလို့မရတဲ့ အနာဂါတ်နဲ့ပတ်သက်ပြီး ဘယ်လိုဆုံးဖြတ်ချက်တွေ ချလို့ရမလဲ? (Future Decision)David Christian ရဲ့ Future Stories စာအုပ်ထဲမှာတော့ စကြာဝဠာကြီးထဲမှာ အခြေခံအကျဆုံး ဖြစ်တဲ့အရာလေးတွေကအစ လူ့အဖွဲ့အစည်းနဲ့ ကမ္ဘာကြီးနဲ့ပတ်သက်တဲ့ အနာဂါတ်ဆုံးဖြတ်ချက် (Future Decision) အကြောင်းကိုဖော်ပြထားပါတယ်။