ဒီစာအုပ်က ဘာအကြောင်းပြောထားတာလဲ?

ခေါင်းပေါင်းပေါင်းရင်း ဆစ် (Sikh) ဘာသာစကားပြောတဲ့ ပန်ချာပီအနုပညာသမားတစ်ယောက်အနေနဲ့ စာရေးဆရာ Humble the Poet အတွက်တော့ လူမျိုးရေးခွဲခြားခံရတဲ့ အတွေ့အကြုံတွေက မဆန်းတော့သလို့ သူတို့ Sikh Community အဖွဲ့ဝင်တွေကလည်း သူ့ကို ထုံးတမ်းအစဥ်အလာနဲ့ သက်ဝင်ယုံကြည်မှုကို မလေးမစားပြုလုပ်တယ်လို့ ဝေဖန်တာကိုလည်း အကြိမ်ကြိမ်ခံခဲ့ရပါတယ်။အနုပညာသမားတစ်ယောက်ဆိုတဲ့ သူ့အိပ်မက်နောက်ကိုလိုက်ဖို့ ကျောင်းဆရာအလုပ်ကို စွန့်လွှတ်ပြီး အကြွးနွံနစ်ခဲ့တဲ့ အချိန်တွေ၊ ဒီအိပ်မက်တွေကို အကောင်အထည်ဖော်နေတဲ့ လမ်းတစ်လျှောက်မှာ ကြုံတွေ့ခဲ့ရတဲ့ အထီးကျန်မှုတွေ၊ ကိုယ့်ကိုယ်ကို ထားရှိတဲ့ သံသယတွေ၊ ယုံကြည်မှုကို အလွဲသုံးစားလုပ်သွားခဲ့တဲ့ အနုပညာသမားအမည်ခံ လူလိမ်တွေ၊ ခဏခဏကွဲခဲ့ရတဲ့ အသည်းတွေ စတဲ့ခက်ခဲတဲ့အချိန်တွေအများကြီးကို ကျော်ဖြတ်ခဲ့ရပါသေးတယ်။ဒါပေမယ့် ဒီလိုအခက်အခဲတွေ၊ အကျအရှုံးတွေသာ မရှိခဲ့ဘူးဆိုရင် ဒီနေ့လိုအောင်မြင်လာမှာ မဟုတ်တဲ့အတွက် Humble the Poet က ဒီအခက်အခဲတစ်ခုစီတိုင်း၊ ကျရှုံးမှုတစ်ခုစီတိုင်းကို သူ့အိပ်ကပ်ထဲထည့်သိမ်းဆည်းထားပါတယ်။စစ်မှန်တဲ့ဘဝကို နေထိုင်တာနဲ့ပတ်သက်တဲ့ Humble ရဲ့ အတွေးအမြင်တွေက သန်းချီတဲ့ သူ့ပရိသတ်တွေကို စိတ်အားတက်ကြွအောင် လှုံ့ဆော်နိုင်ခဲ့ပါတယ်။ဒီ Things No One Else Can Teach Us စာအုပ်ထဲမှာတော့ အဓိကကျတဲ့ ဒီအတွေးအမြင်တွေကို ဖော်ပြထားပေးပါတယ်။